Бул тууралуу EurasiaPluse маалымат агенттиги билдирди.
АКИpress – 19-майда президент Садыр Жапаров кол койгон Жол фонду жөнүндөгү мыйзамга өзгөртүүлөр киргизилди.
3-берененин 1-бөлүгү төмөнкү редакцияда баяндалат:
1. Жол фондунун каражаттары төмөнкүлөргө гана жумшалат:
1) жалпы пайдалануудагы автомобиль жолдорун долбоорлоону, курууну, күтүүнү, оңдоону, реконструкциялоону жана өнүктүрүүнү каржылоо;
2) жалпы пайдалануудагы автомобиль жолдорун куруу, күтүү жана оңдоо үчүн материалдарды (анын ичинде битум, шагыл), ошондой эле жогоруда көрсөтүлгөн максаттар үчүн күйүүчү-майлоочу майларды сатып алуу.
Документ 3-1-берене менен толукталды, анын мазмуну төмөнкүдөй:
3-1-берене. Республикалык бюджеттин эсебинен каржылануучу чыгымдар
Транспорт жана коммуникациялар чөйрөсүндөгү ыйгарым укуктуу органга республикалык бюджетте каралган каражаттардан төмөнкү чыгымдар өзүнчө каржыланат:
1) Жол фондунун катчылыгын күтүү;
2) тармактагы мезгилдүү басма сөздөрдү чыгаруу, кызматтык адабияттарды, китептерди, колдонмолорду, нормативдик-техникалык документтерди, стандарттарды, маалыматтык бюллетендерди жана окуу куралдарын, КР транспорт жана коммуникациялар жаатындагы ыйгарым укуктуу органынын өндүрүштүк-чарбалык ишин камсыз кылуу үчүн зарыл болгон бланктык продукцияларды даярдоо жана басып чыгаруу;
3) кадрларды даярдоо, кайра даярдоо жана окутуу;
4) илимий-техникалык изилдөөлөр.
Мыйзам расмий жарыяланган күндөн тартып 10 күндөн кийин күчүнө кирет.
Ал буга чейин Жогорку Кеңеш тарабынан 2025-жылдын 24-апрелинде кабыл алынган.
Сүрөт: akipress.org сайтынан алынды