Бу ҳақда EurasiaPluse ахборот агентлиги хабар берди.
Ички ишлар вазирлиги Йўл ҳаракати хавфсизлиги хизмати фуқароларга навбатдаги мурожаат билан чиқди. Агар ташкилот одатда ўз баёнотларида даҳшатли ЙТҲлар учун айбни ҳайдовчилар, шунингдек, жабрланганлар ва уларнинг ота-оналари зиммасига юкласа, бу сафар у ота-оналарни очиқчасига қўрқитишга ўтди.
Йўл ҳаракати хавфсизлиги хизмати матбуот хизмати (ўзбек ва рус тилларида) яқинда онаси билан пиёдалар ўтиш жойида кетаётган бола мўжизавий тарзда машина уриб кетишидан қочиб қолгани тасвирланган видеони кўрсатди.
«Мана бу боланинг ҳам машина ғилдираклари орасида қолишига бир баҳя қолди. Ҳар доим йўлларда мана бу Nexia ҳайдовчиси сингари йўл қотиллари юрганини ҳеч қачон ёдингиздан чиқарманг», — дейилади видеода.
ЙҲХХ жамоатчилик фаоллари кўп йиллардан буён одам ўлимига олиб келадиган ЙҲҚни қасддан бузишни қасддан одам ўлдиришга тенглаштиришга чақириш ниятида ишлатиб келадиган «йўл қотиллари» иборасини биринчи марта қўллади.
«Пиёдалар ўтиш жойидан ўтаётган болага йўл бермасдан, норасидаларнинг бевақт ўлимига сабаб бўлаётган ҳолатлар ҳам кам эмас», — дейилади ЙҲХХ видеосида.
Пиёдаларга йўл бермаган ҳайдовчи БҲМнинг 10 баравари (3,75 млн сўм — 300 доллардан кам) миқдорида жаримага тортилди, автомашина эса жарима майдончасига олиб кетилди.
«Ҳурматли ҳайдовчи, ҳаракатни бошладингизми, ҳар бир пиёдани ўз фарзандингиз, ака-ука, опа-синглингиздек тасаввур қилинг», — ЙҲХХ кўп йиллардан буён ҳайдовчилар онгига чорлаб келади.
«Агар бирорта кори ҳол содир бўлса, сизнинг қаергадир шошаётганингиз ҳеч нарсани оқламайди», — деб таъкидлайди хизмат.
Видеода йўл-патрул хизмати ходимларини ёмон кўрганини, лекин намоздан кейин масжиддан чиқиб кетаётган отасини машина уриб юборганидан сўнг «ҳайдовчиларни янада қаттиқроқ жазолаш керак экан», дея фикрини ўзгартирган эркакни кўриш мумкин.
ЙҲХХ ҳайдовчиларни кўчалардаги камералар қоидабузарликларни қайд эта бошлагани ва пиёдаларга йўл бермаган ҳайдовчиларга жарима сола бошлагани ҳақида огоҳлантиришга ҳаракат қилмоқда. Шунингдек, хизмат video.yhxx.uz сайтида видеоёзувни юклаш орқали «ҳар қандай фуқаро қонун ва тартибни сақлашга ҳисса қўшиши мумкин»лигини эслатиб ўтди.
«Авариянинг олдини олиш кўп томонлама ҳаракатни талаб қилади. Агар жамоатчиликда қоидабузарликдан нафратланиш, қоидабузарликка қарши биргаликда курашиш туйғуси шаклланмас экан, эртага сизнинг ҳам фарзандингиз уйга қайтмаслиги мумкин. Демак, хулоса чиқаришга ҳали вақтингиз бор», — дея хулоса қилади ЙҲХХ ўз видеосида.
Таҳририятдан
Видео «Одамлар ҳаёти хавф остида!» сарлавҳаси билан эълон қилинди — демак, эҳтимол, ЙҲХХ Ўзбекистон кўчалари ва йўлларининг ўта хавфли экагини тасдиқлаб, узоқ вақтдан бери назоратдан чиқиб кетган вазиятни яхшилашнинг бошқа йўли йўқлигини тан олмоқда.
Раҳбарларнинг ўзгариши ва президентнинг бир қанча танбеҳлари Ўзбекистон кўчалари ва йўлларини хавфсиз ҳолатга келтира олмади.
Кўп йиллар давомида фақат дангасалар гапирмаган шошилинч ва қатъий ислоҳотларсиз йўл ҳаракати хавфсизлиги соҳасидаги вазият ўзгармайди.
Фото: gazeta.uz сайтидан олинди