Бу ҳақда EurasiaPluse ахборот агентлиги хабар берди.
Фото: Евгений Сорочин / «Газета.uz»
Ўзбекистонда якка тартибдаги тадбиркорларга 5 нафаргача ишчи олиб, мебель ишлаб чиқаришга рухсат берилади. Шунингдек, бу фаолиятни бошлаш, кенгайиш истагида юрган ёш тадбиркорларга 7 йилга 5 млрд сўмгача 18 фоизли кредит ажратилади. 8 та туманда мебелчилик марказларини ишга туширилади.
Ўзбекистонда якка тартибдаги тадбиркорларга 5 нафаргача ишчи олиб, мебель ишлаб чиқаришга рухсат берилади. Бу ҳақда 26 май кунги маҳаллий саноатни ривожлантириш бўйича видеоселектор йиғилишида президент Шавкат Мирзиёев маълум қилди.
Президент 2024 йилнинг ўзида мебелсозлик йўналишида 920 та янги корхона иш бошлаганини маълум қилди. Соҳада 6 трлн 700 млрд сўмлик маҳсулот ишлаб чиқарилган.
«Буни каррасига ошириш учун қатор масалаларни ҳал қилиш зарур. Масалан, мебель маҳсулотларининг 25−30 фоизи хонадонларда тайёрланяпти. Уйдаги ишлаб чиқаришдан саноат босқичига ўтишга интилаётган мебелсозлар кўп. Шу боис, якка тартибдаги тадбиркорларга 5 нафаргача ишчи олиб, мебель ишлаб чиқаришга рухсат берилади», — деди президент.
Шунингдек, мебелчилик фаолиятини бошлаш, кенгайиш истагида юрган ёш тадбиркорларга 7 йилга 5 млрд сўмгача 18 фоизли кредит ажратилади.
Ҳозирда Олтинкўл ва Хонқадаги «Мебелчилик маркази»да 100 дан зиёд корхона замонавий ускуналар ўрнатиб, мебель ишлаб чиқармоқда. Олдин уйидаги тор жойда мебель ясаган тадбиркорлар ҳозир яхлит комплексга жойлашиб, кластер тизимида ишлаяпти.
Шавкат Мирзиёев Шароф Рашидов, Янги Наманган, Пастдарғом, Ўртачирчиқ, Қува, Бувайда, Юнусобод ва Учтепада ҳам Хонқа тажрибаси асосида мебелчилик марказларини ишга туширишга топшириқ берди.
Фото: gazeta.uz сайтидан олинди