Бу ҳақда EurasiaPluse ахборот агентлиги хабар берди.
Фото: МОҚ
Польшада бокс бўйича Жаҳон кубогининг иккинчи босқичи якунланди, унда ўзбекистонлик спортчилар 6 та олтин, 1 та кумуш ва 2 та бронза медалини қўлга киритди. Ушбу натижа билан терма жамоа умумжамоа ҳисобида биринчи ўринни эгаллади.
Бокс бўйича Ўзбекистон терма жамоаси Польшада якунланган Жаҳон кубогининг иккинчи босқичида ғалаба қозонди. Спортчилар 6 та олтин, 1 та кумуш ва 2 та бронза медалини қўлга киритиб, умумжамоа ҳисобида биринчи ўринни эгаллади, дея хабар берди Миллий олимпия қўмитаси.
Олтин медалларни қўлга киритганлар:
- Миразизбек Мирзахалилов (55 кг гача)
- Асадхўжа Мўйдинхўжаев (65 кг гача)
- Фазлиддин Эркинбоев (75 кг гача)
- Жавоҳир Умматалиев (80 кг гача)
- Акмалжон Исроилов (85 кг гача)
- Жаҳонгир Зокиров (90 кг дан юқори).
-57 кг вазн тоифасида Хуморабону Мамажонова кумуш, -60 кг вазн тоифасида Самандар Олимов ва -70 кг вазн тоифасида Ғофуржон Тоҳиров бронза медалига сазовор бўлди.
Бразилияда ўтган биринчи босқичда терма жамоа 5 та олтин медални қўлга киритганди.
Фото: gazeta.uz сайтидан олинди
