Украина президенті Владимир Зеленский Ресейдің алғашқы «Шахед» дрондарын басқаруға өз мамандары жетпегенін, оны ирандық операторлардың тікелей өздері ұшырғанын мәлімдеді, деп хабарлайды EurasiaPulse.com ақпарат агенттігі.
Оның айтуынша, соғыстың басында Ресей әскерінде мұндай дрондарды басқаратын тәжірибелі мамандар болмаған. Сол себепті ирандық нұсқаушылар ресейлік әскерилерді соғыс алаңында тікелей оқытқан.
«Ресейліктердің дрондарды басқаруға тәжірибесі болмады. Сол үшін Иран өз операторларын жіберіп, оларға соғыс жағдайында үйретті», – деді Зеленский Бухарестте өткен баспасөз мәслихатында.
Украинаға «Шахед» дрондарымен алғашқы шабуылдар 2022 жылдың күзінде басталған. Зеленский сонымен қатар Украинаға Patriot жүйесіне арналған PAC-3 зымырандарының жетіспейтінін айтты. Киев бұл зымырандарды алу үшін өздерінде бар дронға қарсы құрылғыларды айырбастауға дайын екенін жеткізді.
Осы аптада украиналық қауіпсіздік мамандары дрондарға қарсы күрес мәселесін талқылау үшін Катар, БАӘ және Сауд Арабиясына арнайы сапармен барады.
