Самарқанд шаҳридаги 10 метрлик жарлик ичидаги чангалзорга тушиб кетган икки фуқаро қутқарилди, дея хабар қилди ФВВ.

Ҳодиса 4 май куни соат 23:15 да шаҳарнинг «Ипак йўли» МФЙ ҳудудида содир бўлган. Воқеа жойига ФВБ қутқарувчилари етиб келишган. Қутқарувчиларнинг ҳаракатлари натижасида 2 нафар фуқаролар соғ-саломат қутқариб олинган.

Маълум бўлишича, фуқаролар ёши улуғ инсонлар бўлиб, дастлаб бир нафари жарликка тушиб кетган, сўнг шеригини қутқариш мақсадида иккинчи фуқаро ҳам тушиб, қайтиб чиқмаган.