Алматыда 16 жастағы Өзбекстан азаматы Амиров Ядгор 10 маусым күні із-түссіз жоғалып кетті, деп хабарлайды EurasiaPluse волонтерлік LIDER.KZ ұйымының Instagram парақшасына сілтеме жасап.
2009 жылы туған жасөспірім соңғы рет таңғы сағат 09:30 шамасында Наурызбай ауданы, Қарғалы ықшамауданы, Редько көшесі, 6-үйден шығып кеткен. Содан бері одан еш хабар жоқ.
Белгілері: бойы — 160 см, дене бітімі — арық, шашы — қара, қысқа, көзі — қоңыр. Қол саусағында мең бар.
Киімі: сұр түсті кепка, ақ жейде, көк джинсы шалбар, қара кроссовка.
Кез келген ақпарат маңызды. Жасөспірім туралы қандай да бір мәлімет білетіндерден құқық қорғау органдарына немесе LIDER.KZ еріктілеріне хабарласу сұралады.
