Басып алынған Әл-Құдыс провинциясының билігі Сильван ауданының шекарасы өзгеруі мүмкін екенін ескертіп, дабыл қақты. Муниципалитет сайтында жарияланған жаңа карталарға сәйкес, ауданның бір бөлігін туристік аймаққа айналдыру жоспарланып отыр, деп хабарлайды EurasiaPulse.com ақпарат агенттігі.
Жаңа жоспар бойынша, Сильван аумағының бір бөлігі, әсіресе Вади Хилуа ауданы Израиль билігі «Дәуіт қаласы» деп атайтын аймаққа қосылуы ықтимал. Бұл жердің жалпы ауданы шамамен 33,4 гектарды құрайды.
Палестина билігі мұндай өзгерістер Сильвандағы палестиналықтардың тұрғын үй аумағын тарылтып, қала құрылысын жоспарлауға және жергілікті тұрғындарға көрсетілетін муниципалдық қызметтердің сапасына кері әсер етуі мүмкін екенін мәлімдеді. Сонымен қатар бұл шешім аймақтың тарихи мұрасына да қауіп төндіреді.