Бұл туралы EurasiaPluse ақпарат агенттігі хабарлады.
Түркия, Иордания және Сирия СІМ басшылары өңірлік қауіпсіздік мәселелерін талқылады
Түркия Сыртқы істер министрлігі дереккөздерінің хабарлауынша, Түркия, Иордания және Сирияның Сыртқы істер министрлері арнайы кездесуде бас қосты. Оған Түркия СІМ басшысы Хакан Фидан, Иордания сыртқы істер министрі Айман әл-Сафади және Сирия СІМ министрі Ассад Хасан Шейбани қатысты. Кездесу барысында тараптар өңірдің өзекті оқиғалары мен қауіпсіздік мәселелерін ортаға салды.
Хакан Фидан Түркияның Сириядағы тұрақтылық пен қауіпсіздікті нығайтуға бағытталған барлық бастамаларды қолдайтынын нақты айтты. Сонымен қатар ол Израильдің Сирия мен өзге елдерге қатысты агрессивті әрекеттерін айыптап, өңірлік ынтымақтастық пен жауапкершіліктің маңызды екенін ерекше атап өтті.
Министр Хакан Фидан Түркия аймақтағы терроризмге қарсы күреске белсенді қатысып жатқанын жеткізді. Оның сөзінше, «өңірлік мәселелерге өңірлік шешім» қағидаты негізінде терроризммен бірлесіп күресу қажет. Сондай-ақ, Сирия мен көрші мемлекеттердің терроризмге қарсы ынтымақтастығы тек өңірлік қана емес, жаһандық қауіпсіздік үшін де маңызды.
Келіссөздер аясында Хакан Фидан Иордания және Сирия әріптестерімен жеке кездесулер де өткізді.
Айта кетейік, бұған дейін Түркия Президенті Режеп Тайып Ердоған Анкара Ресей мен Украина арасындағы келіссөздерге алаң ұсынуға дайын екенін мәлімдеген болатын.
Кілтсөздер: Түркия, Сирия, Иордания, сыртқы істер министрі, қауіпсіздік, өңірлік ынтымақтастық, терроризм, тұрақтылық, Израиль, жаһандық қауіпсіздік.
Фото: inform.kz сайтынан алынды