Бұл туралы EurasiaPluse ақпарат агенттігі хабарлады. Германияның Штутгарт қаласында орын алған жол-көлік оқиғасынан сегіз адам жарақат алды. Олардың үшеуінің жағдайы ауыр деп бағалануда. Полиция департаменті бұл оқиғаға қатысты шабуыл немесе қасақана әрекет жасалғаны жөнінде ешқандай дәлел жоқ екенін мәлімдеді. Қазір төтенше жағдай жол апаты ретінде қарастырылып жатыр.
Өрт сөндіру қызметінің мәліметінше, зардап шеккендерге толық медициналық көмек көрсетілді. Көлік жүргізушісі – 42 жастағы азамат қамауға алынды.
Айта кетейік, соңғы уақытта Германияда көлікпен адамдарға соқтығу оқиғалары жиілеп кетті. Мәселен, 2024 жылдың желтоқсанында Магдебург қаласында Сауд Арабиясынан шыққан адам Рождестволық базарға келген адамдарды басып өтіп, алты адамның өмірін қиды. Ақпанда Мюнхенде ауған босқыны өз көлігімен демонстранттар тобына соғылып, жас әйел мен бала оқиға орнында көз жұмды. Осы айдың басында Мангейм қаласында да көлік бір топ адамды басып кетіп, бір адам қайтыс болды, 25 адам жарақаттанды, оның 15-і ауыр халде.
Германиядағы жол-көлік оқиғалары мен қауіпсіздік мәселесі қоғам назарында. Көлік апаты орын алған жағдайда, зардап шеккендерге уақтылы медициналық көмек көрсету басты назарда тұр.
Фото: inform.kz сайтынан алынды