Бұл туралы EurasiaPluse ақпарат агенттігі хабарлады.
Женевада АҚШ пен Қытай арасындағы сауда келіссөздері өтті
Lianhe Zaobao мәліметінше, Лютник CNN-ге берген сұхбатында өткен демалыс күндері Швейцарияда өткен сауда келіссөздері екі тараптың да қолдауына ие болғанын және бұл процестің оң нәтижемен аяқталатынына сенімді екенін айтты. Оның сөзінше, екі ел үшін маңызды саналатын келісімдердің жұмыс топтары арасында белсенді түрде талқыланып жатқаны атап көрсетілді.
Сингапурлық басылым Швейцария медиа ресурстарына сілтеме жасап, жексенбі күні сағат 10:00-де басталған келіссөздердің жабық есік жағдайында өткенін хабарлады. Кездесуге Қытай вице-премьері Хэ Лифэн, АҚШ Қаржы министрі Скотт Бессент және АҚШ Сауда өкілі Джеймисон Грир қатысты.
Ал Reuters агенттігінің жазуынша, Қаржы министрі Скотт Бессент Қытаймен арадағы сауда теңгерімі бойынша нақты келісімге қол жеткізілгенін айтты. Ол Женевада өткен екі күндік АҚШ-Қытай келіссөздері аясында айтарлықтай прогреске қол жеткенін, дегенмен, келісімнің мазмұны әзірге ашықталмай отырғанын жеткізді.
Lianhe Zaobao сонымен қатар, Ақ үй Ұлттық экономикалық кеңесінің директоры Кевин Хассеттің пікірін келтіреді. Ол Бейжің тарапы Вашингтонмен сауда қатынастарын қайта жандандыруға аса мүдделі екенін атап өтті. «Қытайлықтар біздің тараппен ынтымақтастық орнатуға құлықты, екіжақты сауда байланысын қалпына келтіруге тырысуда», — деді Кевин Хассетт Fox News телеарнасына берген сұхбатында.
Айта кетейік, АҚШ-Қытай сауда келіссөздерінің алғашқы кездесуі 10 мамыр күні Женевада өтті.
Кілтсөздер: АҚШ-Қытай сауда келіссөздері, Женева, сауда қатынастары, АҚШ пен Қытай, экономикалық серіктестік.
Фото: inform.kz сайтынан алынды