Бұл туралы EurasiaPluse ақпарат агенттігі хабарлады.
Түркиядағы Украина–Ресей келіссөздері: жаңа мүмкіндік пайда бола ма?
АҚШ бұрынғы президенті Дональд Трамп Reuters агенттігіне берген сұхбатында: «Мен Ыстанбұлға баруды қарастырып жүрмін. Менің күнтізбем тығыз, бірақ нақты шешім қабылдамадым», – деп мәлімдеді.
Алдағы күндері АҚШ президентінің Сауд Арабиясы, Біріккен Араб Әмірліктері мен Қатарға ресми сапары жоспарланған.
Украинадағы қақтығысқа байланысты халықаралық сахнада маңызды дипломатиялық бетбұрыс болып жатыр. Ресей президенті Владимир Путин мен Түркия президенті Режеп Тайып Ердоған телефон арқылы сөйлесіп, Мәскеу 15 мамырдан бастап Ыстанбұлда Киевпен тікелей келіссөздерді қайта бастауға дайын екенін айтты.
Анкара тарапы бұған жедел үн қатып, келіссөздер алаңын қайта ұсынуға дайын екенін растады. Түркия президенті Ердоған келіссөздер арқылы Украинада бейбітшілікке қол жеткізуге мүмкіндік бар екенін тілге тиек етіп, атысты тоқтату келіссөздерге жол ашатынын мәлімдеді.
Десе де, Ресей Сыртқы істер министрлігінің ресми хабарламасында атысты тоқтату туралы нақты айтылмаған. Бұған қарамастан, Ердоған Путинмен әңгімелесер алдында Франция президенті Эммануэль Макронмен сөйлесіп, Түркия Украинадағы соғысты тоқтатуға және диалог ұйымдастыруға белсенді үлес қосуға дайын екенін жеткізді.
Еске салсақ, 5 мамырда Дональд Трамп Түркия басшысымен телефон арқылы сөйлесіп, Украинада бейбітшілік орнату үдерісінде бірлесіп жұмыс істеуге дайын екенін әлеуметтік желіде хабарлады.
Сондай-ақ, АҚШ-тың бұрынғы президенті алдағы апта Ресей мен Украина үшін шешуші болатынын атап өтті.
Кілтсөздер: Украина, Ресей, Ыстанбұл келіссөздері, Түркия, Ердоған, бейбітшілік, АҚШ, Трамп.
Фото: inform.kz сайтынан алынды