Бұл туралы EurasiaPluse ақпарат агенттігі хабарлады.
Қырғызстанда барлық төлемдер тек соммен жүргізіледі
Қырғызстанда жаңа заңға сәйкес, ел аумағында жасалатын барлық тауар, қызмет пен жұмыс үшін төлемдер тек ұлттық валюта – сом арқылы жүзеге асырылуға тиіс. Бұл талап жеке тұлғаларға да, кәсіпкерлер мен компанияларға да меншік түріне қарамастан міндеттелген.
Сонымен қатар, жылжымайтын мүлік пен автокөлік сату, мемлекеттік тіркеуге жататын құқықтар бойынша да есеп айырысу тек қана сомда жүргізіледі. Егер тауарлар мен қызметтердің бағасы шетел валютасында көрсетіліп, жарнамаланса, бұл әрекет заңға қайшы болып есептеледі.
Жаңа заң ресми жарияланған күннен кейін 12 ай өткен соң күшіне енеді.
Айта кетейік, бұған дейін Қырғызстанда цифрлық сом төлемін қабылдаудан бас тартқандарға айыппұл салынатыны хабарланған болатын.
Кілтсөздер: Қырғызстан, сом, ұлттық валюта, төлем, заң, есеп айырысу, автокөлік, жылжымайтын мүлік, цифрлық сом, айыппұл.
Фото: inform.kz сайтынан алынды