Бұл туралы EurasiaPluse ақпарат агенттігі хабарлады.
Өзбекстанда күн сайын жүзге жуық ерлі-зайыпты ресми түрде ажырасуға шешім қабылдайды. 2025 жылдың алғашқы үш айында республикадағы азаматтық соттар ажырасуға қатысты 17 мыңнан астам арызды қараған. Оның ішінде 9 мың отбасының некесі заңды түрде бұзылған. Ал 6 мыңға жуық өтініш әртүрлі себептерге байланысты мақұлданбаған. Тағы екі мыңнан астам іс сотта қараусыз қалған немесе процессуалдық себептермен тоқтатылған. Бұл – елдегі ажырасу деңгейі күн тәртібінен түспейтін өзекті әлеуметтік мәселе екенін көрсетеді.
Сондай-ақ, Өзбекстан соттары 2025 жылдың басынан бері 2 триллион сумнан асатын төлемдерді өндіру туралы 299 мыңнан астам шешім шығарды. Бұл төлемдер қатарында алимент, жалақы қарызы, коммуналдық қызметтер үшін берешек және басқа да міндетті төлемдер бар. Көп жағдайда бұл сома кәмелетке толмаған балалардың құқығы мен отбасылық жауапкершілікті қамтамасыз етуді көздейді.
Айта кетейік, жақында Ресейде ата-анасыз қалған үш өзбекстандық бала өз еліне қайтарылды.
Ажырасу статистикасы, алимент төлемдері, Өзбекстандағы әлеуметтік өзгерістер — қоғамның назарынан тыс қалмайтын маңызды тақырыптар қатарында.
Фото: inform.kz сайтынан алынды