Бұл туралы EurasiaPluse ақпарат агенттігі хабарлады.
Al Jazeera: Сіз 2029 жылға қарай Қазақстан экономиканың көмірсутексіз секторын кеңейтуді мұрат етіп отырғанын айттыңыз. Меніңше, қазіргі уақытта көмірсутегі секторы Қазақстан экспортының 50 пайыздан астамын құрайды. Қалай ойлайсыз, 2029 жылға қарай Қазақстан экспортының негізін көмірсутегі емес сектордың құрауына қол жеткізе аласыз ба?
— Шынын айту керек, көмірсутегі экспорты әлі де болса біздің халықаралық нарықтағы сауда-саттығымыздың басым бөлігін құрап отыр. Біз жағдайға нақты қарауымыз керек. Мен Қазақстанның 2060 жылы көміртегі бейтараптығына қол жеткізген елге айналатынын айтқан едім. Менің пайымдауымша, бұл біздің ішкі әлеуетіміз бен мүмкіндігімізге негізделген шынайы әрі қолжетімді бағдарлама.
Елдің ішкі энергия тұтынуында көмірдің үлесі 73 пайызды құрайды. Біз бір сәтте көмірден бас тарта алмаймыз. Бұл түсінікті жағдай. Бізде мұнай сынды табиғи ресурс бар. Уран өндіруден әлемде 1-орында тұрмыз. Оның 40 пайызын әлемдік нарыққа Қазақстан жеткізіп отыр.
Бұған дейін Мемлекет басшысы БҰҰ Қауіпсіздік Кеңесі дағдарысқа ұшырап жатқанын айтты.
Фото: inform.kz сайтынан алынды