Бұл туралы EurasiaPluse ақпарат агенттігі хабарлады.
Венераға бағытталған кеңестік ғарыш станциясы 1972 жылы 31 наурызда Байқоңырдан ұшырылды. Алайда, оның дублері апатқа ұшырап, Жер орбитасында қалып қойды. Қазір бұл ескі құрылғының планетамыздың бетіне қашан түсетіні нақты белгісіз, сарапшылар ол шамамен мамыр айының басында құлауы мүмкін деп болжап отыр. Айта кетейік, станция тұрғын үйлерге құлап кету қаупін тудырады.
Бұл дубльді ұшыру «Венера-8» бағдарламасы аясында жүзеге асты. Екі станция да құрамы мен техникалық сипаттамалары жағынан бірдей болды. Осылайша, совет ғалымдары планетааралық зерттеулерде сәттілік мүмкіндігін арттыруды мақсат еткен.
Станцияларды орбитаға «Союз» кемелерінің негізінде жасалған, күшейтілген «Молния-М» зымырандары жеткізген. Нәтижесінде, төрт күн ерте ұшырылған «Венера-8» өз миссиясын сәтті аяқтаса, дубль болған станция апатқа ұшырап, Жер орбитасында қалып қойды.
Ғарыш технологиялары мен Жер төңірегіндегі объектілер қауіпсіздігі қазір де халық назарында. Бұған дейін SpaceX компаниясының АҚШ-тың барлау қызметіне арналған спутниктерді ғарышқа ұшырғаны туралы хабарланған болатын.
Кілтсөздер: Венера-8, Байқоңыр, ғарыш станциясы, Жер орбитасы, зымыран, ғарыш технологиялары.
Фото: inform.kz сайтынан алынды